Skip to main content


ಮತದಾನ ಜಾಗೃತಿಗೆ ಭಟ್ಟರ ಪದ್ಯಯಾತ್ರೆ

ಸಮಕಾಲೀನ ವಿದ್ಯಮಾನಗಳನ್ನು ಇಂದಿನ ಪೀಳಿಗೆಯವರನ್ನು ಆಕರ್ಷಿಸುವ ನುಡಿಗಟ್ಟನ್ನು ಬಳಸಿ ಪದ್ಯದ ಮೂಲಕ ಹೇಳುವುದರಲ್ಲಿ ಯೋಗರಾಜ ಭಟ್ಟರು ನಿಸ್ಸೀಮರು. ಬರೀ ಸಿನಿಮಾಗಳಿಗಷ್ಟೇ ಅಲ್ಲ, ಆಯಾ ಸಂದರ್ಭಗಳಿಗೆ ಹೊಂದಾಣಿಕೆಯಾಗುವ ಬಿಡಿ ಹಾಡುಗಳನ್ನೂ ಅವರು ಆಗೀಗ ರಚಿಸಿ ಹರಿಬಿಡುವುದುಂಟು.

‘ದನ ಕಾಯೋನು’ ಸಿನಿಮಾ ಸಂದರ್ಭದಲ್ಲಿ ಆ ತಂಡದೊಂದಿಗೆ ಸೇರಿಕೊಂಡು ಪರೀಕ್ಷೆ ಪ್ರಶ್ನೆ ಪತ್ರಿಕೆ ಸೋರಿಕೆ ಕುರಿತು ಅವರು ಬರೆದಿದ್ದ ಹಾಡು ಸಾಕಷ್ಟು ವೈರಲ್‌ ಆಗಿತ್ತು. ನಂತರ ‘ಮುಗುಳು ನಗೆ’ ಸಿನಿಮಾ ಸಂದರ್ಭದಲ್ಲಿ ಜಿಎಸ್‌ಟಿ ಕುರಿತ ಹಾಡೊಂದನ್ನು ರಚಿಸಿ ಹರಿಬಿಟ್ಟಿದ್ದರು. ಇದೀಗ ಅಂಥದ್ದೇ ಮತ್ತೊಂದು ಪ್ರಯತ್ನಕ್ಕೆ ತಮ್ಮ ಹೊಸ ಚಿತ್ರ ‘ಪಂಚತಂತ್ರ’ ತಂಡದ ಜತೆಗೆ ಸೇರಿಕೊಂಡು ಅವರು ಮುಂದಾಗಿದ್ದಾರೆ.

ಹರಿತವಾದ ವ್ಯಂಗ್ಯ, ಮಹತ್ವದ ವಿಷಯಗಳನ್ನು ತಮಾಷೆಯ ವೇಷ ತೊಡಿಸಿ ಮನಸ್ಸಿಗಿಳಿಸುವುದು ಭಟ್ಟರ ಶೈಲಿ. ‘ಈ ಹಾಡಿನಲ್ಲಿಯೂ ತಮಾಷೆಯ ಜತೆಗೆ ಗಾಂಭೀರ್‍ಯವನ್ನೂ ಸೇರಿಸಿ ಎರಕ ಹೊಯ್ಯುವ ಪ್ರಯತ್ನವನ್ನು ಮಾಡಿದ್ದೇನೆ. ಇದೊಂದು ಬಗೆಯಲ್ಲಿ ಮಿಕ್ಸ್‌ ಮ್ಯಾಚಿಂಗ್‌ ಮಾಲಿಂಗ’ ಎಂದು ತಮ್ಮದೇ ಶೈಲಿಯಲ್ಲಿ ಭಟ್ಟರು ಉತ್ತರಿಸುತ್ತಾರೆ. ಈ ಹಾಡಿನ ಬಿಡುಗಡೆಯನ್ನೂ ದೊಡ್ಡ ಮಟ್ಟದಲ್ಲಿಯೇ ನಡೆಸಲು ಚುನಾವಣಾ ಆಯೋಗ ನಿರ್ಧರಿಸಿದೆ.      

short by NP / read more at Prajavani

Comments