Skip to main content


ಮದುವೆ ಸುದ್ದಿ ನಿರಾಕರಿಸುತ್ತಲೇ ರಷ್ಯಾ ಯುವಕನೊಂದಿಗೆ ಸಪ್ತಪದಿ ತುಳಿದ ಶ್ರೇಯಾ ಶರಣ್

ಬಹುಭಾಷಾ ನಟಿ ಶ್ರೇಯಾ ಶರಣ್ ತಮ್ಮ ಬಹು ಕಾಲದ ಗೆಳೆಯ ರಷ್ಯಾದ ಟೆನಿಸ್ ಆಟಗಾರ ಹಾಗೂ ಉದ್ಯಮಿಯಾಗಿರುವ ಆ್ಯಂಡ್ರಿ ಕೊಸ್ಚೆವೆವ್ ಅವರೊಂದಿಗೆ ಮದುವೆಯಾಗಿದ್ದಾರೆ. ಮಾರ್ಚ್ 12 ರಂದು ಮುಂಬೈನ ನಿವಾಸದಲ್ಲಿ ಶ್ರೇಯಾ, ಆ್ಯಂಡ್ರಿ ಜೋಡಿ ಹಿಂದೂ ಸಂಪ್ರದಾಯದಂತೆ ಸಪ್ತಪದಿ ತುಳಿದಿದ್ದಾರೆ. ಮದುವೆಯಲ್ಲಿ ಕೇವಲ ಕುಟುಂಬಸ್ಥರು ಮತ್ತು ತೀರ ಆಪ್ತವರ್ಗಕ್ಕೆ ಮಾತ್ರ ಆಹ್ವಾನ ನೀಡಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಕಳೆದ ವರ್ಷವೇ ಶ್ರೇಯಾ ರಷ್ಯಾ ಯುವಕನೊಂದಿಗೆ ಡೇಟಿಂಗ್ ನಡೆಸುತ್ತಿರುವ ಕುರಿತ ಸುದ್ದಿಗಳು ಹರಿದಾಡುತ್ತಿದ್ದವು. ಆದರೆ ಈ ಸುದ್ದಿಯನ್ನು ಶ್ರೇಯಾ ಅವರ ತಾಯಿ ನಿರಾಕರಿಸಿದ್ದರು. ಅಲ್ಲದೇ ಶ್ರೇಯಾ ಅವರು ಸಹ ಇದು ಕೇವಲ ಗಾಸಿಪ್ ಎಂದು ಹೇಳಿದ್ದರು. ಆದರೆ ಸದ್ಯ ರಷ್ಯಾ ಯುವಕನೊಂದಿಗೆ ಮದುವೆಯಾಗುವುದರೊಂದಿಗೆ ಮಾಧ್ಯಮದ ಸುದ್ದಿಗಳು ನಿಜವಾಗಿದೆ. ಆದರೆ ಇದುವರೆಗೂ ಈ ಸುದ್ದಿಯ ಕುರಿತು ಶ್ರೇಯಾ ಅವರಿಂದ ಯಾವುದೇ ಸ್ಪಷ್ಟನೆ ಲಭಿಸಿಲ್ಲ.    
Short by: Pawan / read more at Public tv