Skip to main content


ನಿಖಿಲ್ ಕುಮಾರ್ ಬಿಟ್ಟು ಡಬ್ಬಿಂಗ್ ಮುಗಿಸಿದ ಕುರುಕ್ಷೇತ್ರ

ವೃಷಭಾದ್ರಿ ಪ್ರೋಡನ್ಸ್ ಲಾಂಚನದಡಿಯಲ್ಲಿ ಶಾಸಕ ಮುನಿರತ್ನ ನಿರ್ಮಿಸುತ್ತಿರುವ ಕನ್ನಡ ಚಿತ್ರರಂಗದಲ್ಲೆ ಶ್ರೀಮಂತ ಪೌರಾಣಿಕ ಚಿತ್ರ ಎಂದು ಬಿಂಬಿತವಾಗಿರುವ "ಮುನಿರತ್ನ ಕುರುಕ್ಷೇತ್ರ" 3ಡಿ ಚಿತ್ರದ ಡಬ್ಬಿಂಗ್ ಕಾರ್ಯವು ಇತ್ತೀಚೆಗೆ ಆಕಾಶ್ ಸ್ಟುಡಿಯೋವಿನಲ್ಲಿ ಮುಕ್ತಾಯಗೊಂಡಿತು.

ಆದ್ರೆ, ನಿಖಿಲ್ ಕುಮಾರಸ್ವಾಮಿರವರ ಪಾತ್ರಕ್ಕೆ ಡಬ್ಬಿಂಗ್ ಮಾತ್ರ ಇನ್ನು ಆಗಿಲ್ಲ ಎಂದು ಸ್ವತಃ ಚಿತ್ರತಂಡವೇ ಸ್ಪಷ್ಟಪಡಿಸಿದೆ. ಸದ್ಯ ನಿಖಿಲ್ ಕುಮಾರ್ ಹರ್ಷ ನಿರ್ದೇಶನದ 'ಸೀತಾರಾಮ ಕಲ್ಯಾಣ' ಚಿತ್ರದಲ್ಲಿ ತೊಡಗಿಕೊಂಡಿದ್ದಾರೆ.

'ಕುರುಕ್ಷೇತ್ರ' ಚಿತ್ರದಲ್ಲಿ ನಿಖಿಲ್ ಕುಮಾರ್ 'ಅಭಿಮನ್ಯು' ಪಾತ್ರ ನಿಭಾಯಿಸಿದ್ದು, ಇನ್ನು ಯಾಕೆ ಡಬ್ಬಿಂಗ್ ಮಾಡಿಲ್ಲ ಎಂಬ ಕುತೂಹಲ ಕಾಡುತ್ತಿದೆ. ಈಗಾಗಲೇ ರವಿಚಂದ್ರನ್ ಅವರ ಕೃಷ್ಣ ಪಾತ್ರಕ್ಕೆ ಹಿರಿಯ ಕಲಾವಿದ ಶ್ರೀನಿವಾಸ ಪ್ರಭು ಕಂಠದಾನ ಮಾಡಿದ್ದಾರೆ ಎನ್ನಲಾಗಿದೆ. ಒಂದು ವೇಳೆ ನಿಖಿಲ್ ಪಾತ್ರಕ್ಕೂ ಬೇರೆ ಕಲಾವಿದರಿಂದ ಕಂಠದಾನ ಮಾಡಿಸುವ ಉದ್ದೇಶದಿಂದ ವಿಳಂಭವಾಗಿರಬಹುದಾ.? ಕಾದುನೋಡಬೇಕಿದೆ.  

short by Pawan / more at Filmibeat

Comments